ਵੈਨਕੂਵਰ ਨਿਵਾਸੀ ਪੰਜਾਬੀ ਨੌਜਵਾਨ ਮੁਕੇਸ਼ ਦੱਤ ਨੂੰ ਚਿੱਤ ਚੇਤਾ ਵੀ ਨਹੀਂ ਸੀ ਕਿ ਉਸ ਦੀ ਸੱਸ ਵੱਲੋਂ ਖ਼ਰੀਦੀ ਗਈ ‘ਸੈੱਟ ਫਾਰ ਲਾਈਫ’ ਲਾਟਰੀ ਦੀ ਟਿਕਟ ਉਸ ਦੀ ਕਿਸਮਤ ਬਦਲ ਕੇ ਰੱਖ ਦੇਵੇਗੀ। ਦਰਅਸਲ ਹੋਇਆ ਇੰਝ ਕਿ ਇੱਕ ਪੰਜਾਬੀ ਔਰਤ ਵੱਲੋਂ ੧੪ ਫਰਵਰੀ ਭਾਵ ਵੈਲਨਟਾਈਨ ਡੇਅ ਵਾਲੇ ਦਿਨ ਵੈਨਕੂਵਰ ਵਿਚ ਲਾਟਰੀ ਲਈ ਜੋ ਉਸ ਨੇ ਤੋਹਫ਼ੇ ਦੇ ਤੌਰ ਤੇ ਆਪਣੇ ਜਵਾਈ ਮੁਕੇਸ਼ ਦੱਤ ਨੂੰ ਦੇ ਦਿੱਤੀ। ੨੦ ਫਰਵਰੀ ਨੂੰ ਉਸ ਲਈ ਖ਼ੁਸ਼ੀ ਦਾ ਕੋਈ ਹੱਦ ਨਾ ਰਹੀ ਜਦੋਂ ਉਸ ਨੂੰ ਪਤਾ ਲੱਗਾ ਕਿ ੬ ਲੱਖ, ੭੫ ਹਜ਼ਾਰ ਡਾਲਰ ਲਗਪਗ ਸਾਢੇ ਤਿੰਨ ਕਰੋੜ ਰੁਪਏ ਦੀ ਲਾਟਰੀ ਨਿਕਲੀ ਹੈ। ਕਿੱਤੇ ਵਜੋਂ ਪਲੰਬਰ ਮੁਕੇਸ਼ ਦੱਤ ਇੱਕ ਬੇਟੇ ਦਾ ਬਾਪ ਹੈ। ਉਸ ਨੇ ਦੱਸਿਆ ਕਿ ਹੁਣ ਉਸ ਦਾ ਆਪਣਾ ਘਰ ਲੈਣ ਦਾ ਸੁਪਨਾ ਪੂਰਾ ਹੋ ਜਾਵੇਗਾ ਤੇ ਆਪਣੀ ਸੱਸ ਦੇ ਮਾਣ ਵਿੱਚ ਵੱਡਾ ਸਮਾਗਮ ਕਰੇਗਾ।
